စာဖတ်ခြင်း ဘ၀ဖတ်ခြင်းနှင့် ပျားရည် ပင်လယ်ကြီးမှောက်ကျခြင်း

(စကြာဝဠာ ကြီးသည် စာအုပ်ကြီး တအုပ် ဘ၀သည်ကျောင်းကြီး တကျောင်း )ဟု တရုတ် အမျိုးသား စာရေးဆရာ လင်ယုတန် ကဆိုပါသည်။ စာအုပ်ကိုဖတ်သလို ဘ၀ကို ဖတ်ရန်လည်း သူက တိုက်တွန်းပါသည်။ စာဖတ်ခြင်းကို ခုန်မင် မြတ်နိုးသော ကျနော်သည် ထို အဆိုကို ထောက်ခံရန် ၀န်မလေးပါ။

စာအုပ်ကောင်း တအုပ်သည် ရွှေရောင်ကောက်နှံများ မှည့်ဝင်း ရွန်းငိုက်နေသော စပါးခင်းကြီးနှင့်တုပါသည်။ စာရေး ဆရာသည် သူ၏နှလုံးသည်းပွတ်မှ သွေးများကို မြေဆီသြဇာ အဖြစ် ညှစ်ထုတ် အံချကာ ကောက်ပင်တို့ ကို သီးပွင့် အောင်မြင်စေခဲ့ခြင်းဖြစ်ပါသည်။( အလိုရှိသူ အပေါင်း ရိတ်သိမ်းကြကုန်လော့) ဟူ၍ ပံသကူ ဒါနပြုခြင်းဖြစ်ပါသည်။ သူ၏ ဒါနသည် ဘ၀ထဲက ပျားရည်တစက်သာ ဖြစ်ပါသည်။ သို့ သော် အလိုရှိသူ အပေါင်း အလိုရှိသလောက် စား သုံးနိုင်သော ပျားတစက်လည်း ဖြစ်ပါသည်။
စာအုပ်ကောင်း တအုပ်သည် ပျားတစက်ဖြစ်လျှင် ဘ၀ထဲတွင် ပျားရည်ပင်လယ်ကြီးရှိကြောင်း ကျနော်တို့ သိနိုင်ပါ သည်။
စာဖတ်သူသည် ကောက်ရိတ်သိမ်းသူနှင့်တူပါသည်။ ရိတ်သိမ်း နိုင်သလောက်သာ ရပါသည်။ သိမ်း ၊နှယ်၊ လှေ့ ၊ ထောင်း၊ ပြာတည်းခြင်း ဖြစ်သာ အသက်ဓါတ် ၀တ်ဆံကိုရပါသည်။ စပါးခင်းကို မြင်းတပြေး ကြည့်သူအဖို့ ကောက် ရိုးတမျှင် ဖွဲကြမ်းတဆုပ်ပင် ရနိုင်မည်မဟုတ်ပါ။
ဘ၀မှာ မူ စာတအုပ်ထက်ပို၍ ကျယ်ဝန်းနက်ရှိုင်းပါသည်။ ဘ၀သည် စာတအုပ်လို ဘာသာစကား အက္ခရာ ဝေါဟာ ရများဖြင့် တန်ဆာဆင်ထားခြင်းမဟုတ်ပါ။ လူသားတို့ ၏ ရှုတ်ထွေးပွေလီလှသော လှုပ်ရှားရုန်းကန်မှု ပုံရိပ်များဖြင့် ခင်းကျင်း ထားခြင်းဖြစ်ပါသည်။ ဘ၀ကို ဖတ်ရန်မှာ အတောင်ပင် ခက်ခဲပင်ပန်းသော အလုပ်တခုဖြစ်ပါသည်။ ဘ၀ ထဲမှ ပျားရည် တစက်ကို ယူပေးနိုင်သော စာရေးဆရာများ ရှားပါးရခြင်းမှာ ထိုအကြောင့်ကြောင့်ဖြစ်ပါသည်။
သားအိမ်တွင်းမှ သန္ဓေသားငယ်သည် မိခင်၏ မျက်နှာနှင့် အပြုံးကို မတွေမြင်နိုင်သကဲ့သို့ အတ္တ ဥခွံတွင်း ပိတ်မိနေ သော မည်သူမဆို ဘ၀၏ အနက်အရှိုင်း အကျယ် အပြော အလှ အပ ရသကို ခံစားနိုင်ရန် ခက်ပါသည်။ အတ္တဥခွံထဲ မှ နာကြင်စွာ ဖောက်ထွက်၍ အတိတ်၏ အကူအညီဖြင့် ပစ္စုပ္ပန်၏ ပုခုံးပေါ် တက်ရပ် နိုင်သူများသာ ဝေးဝေးမြင်၍ နက်နက် ကြည့်နိုင်ကြပါသည်။
စာဖတ်ခြင်းသည် ပြခန်းထဲ၌ ခန့် ညားစွာ ခင်းကျင်းထားသော ပုလဲနက် ကိုယ်ဝန်ဆောင် မုတ်ကောင်ကို ကြည့်ရ သည်နှင့်တူပါသည်။ ဘ၀ကိုဖက်ရခြင်းကမူ ပင်လယ်ရေအောက် ကြမ်ပြင် အထိ ကိုယ်တိုင်ငုတ်၍ မုတ်ကောင် ကိုယ်ဝန်သည်ကို ရှာရခြင်းမျုိး်ဖြစ်ပါသည်။ ဘ၀ကိုပါးလျပ်လျပ် ပင့်ကူမြှင်းလို သဘောထားသူတို့ ကမူ လောက၏ အပေါ်ယံ ရေမျက်နှာပြင်အထက်တွင် ကူးခတ်ကျက်စားရခြင်းကို ပျော်ပါးနှစ်သက်ပါသည်။ အသင့်ပြင်ပြီး ထမင်း ၀ိုင်းတွင် ၀င်ထိုင်ခိုင်းခြင်း၊ သင်ကြားထားပြီးသားစကားလုံးဟောင်းများကို ဖန်တရာတေအောင် ရွတ်ဆိုပြောပြနိုင် ခြင်းတို့ အတွက် ဂုဏ်ယူဝင့်ကြွားတတ်ကြပါသည်။ သင်ပေးပါ က ကြက်တူးနှင့် သာလိကာလည်း ပြစ်ပြစ်နှစ်နှစ် ဆဲရေးတတ်ပါသည်။ အစစ် အမှန်နှင့် အတုယောင် ခွဲခြားတတ်ရန် သင်ကြားပေးရုိံမျှနှင့် မရပါ။ ဓူဝံကြယ်ကိုကြည့်၍ မြောက်အရပ်သို့ ကိုယ်တိုင်ခရီး နှင်ခြင်းမျိုးဖြင့်သာ တတ်မြောက်နိုင်ပါသည်။
ဘ၀အတွင်း၌ အစစ်အမှန်နှင့် အတုအယောင်တို့ အပြိုင် တည်ရှိပါသည်။ အတုအယောင်၏ တည်ရှိမှုကို ဦးစွာ အသိအမှတ် ပြုခြင်းဖြင့်သာ အစစ်အမှန်သည် သူ၏ စစ်မှန်မှုကို ပြသနိုင်ပါသည်။ ကမ္ဘာဂြိုလ်နှင့် နေလ ကြယ်တာ ရာတို့ ကို နေရာပေးခြင်းဖြင့် ဟင်းလင်းပြင်သည် သူ၏ ဟင်းလင်းပြင်ဖြစ်မှုကို ပြသနိုင်သလိုမျိုးဖြစ်ပါသည်။
ဘ၀ ဆိုသည်မှာ လူသားချင်း အကြား ၊လူသားနှင့် မိခင် သဘာဝကြီးအကြား ပေးခြင်းနှင့် ယူခြင်း အချိုး ညီမှုဖြင့် ဆင်ယင်ထားခြင်း ဖြစ်ပါသည်။ အချိုးညီမှု ပျက်ပြားခြင်း ကြီးမားလာပါက သဘာဝ ကပ်ဘေး လူမှုကပ်ဘေးများ ပေါ်ပါသည်။ စစ်မက် ထူပြောပါသည်။ တော်လှန်ရေးများ မုန်တိုင်း ထန်ပါသည်။ယနေ့ ခေတ်တွင် လူအချို့ သည် (လူ့ အချို့ လက်တွင်နိုင်ငံရေးအာဏာ အရင်းစစ်အင်အား ခေတ်မှီ နည်းပညာများရှိသည် ) ရယူခြင်းကိုသာ တပ်မက်ပြီး ပေးကမ်းခြင်းကိုမူ တွန့် တို တတ်ကြပါသည်။ အများဆုံးယူ၍ အနည်းဆုံးကိုသာ ပေးတတ်ကြပါသည်။ ထိုအနည်းဆုံးပေးကမ်းမှုသည်ပင် သူတို့ ၏ မဟာစွန့် လွှတ်မှုကြီးဖြစ်ပါသည်။
ခေတ်သစ်ကမ္ဘာကြီးတွင် အများဆုံးယူ၍ အနည်းဆုံးပေးကမ်းခြင်း ယဉ်ကျေးမှု ( တကယ်က မိုက်မဲမှု)ခေတ်စား လျှက်ရှိပါသည်။
ကျနော်တို့ လူသားများသည် မိမိကိုယ်ကို ရှိသည်ထက်ပို၍ အထင်ကြီးနေကြပါသည်။ မိခင်သဘာဝကြီးနှင့် အပြီး အပိုင် ချက်ကြိုးဖြတ်ကာ အကြွင်းမဲ့လွတ်လပ်သူများအဖြစ် ယူဆနေကြဟန် ရှိပါသည်။ စင်စစ် လူသည် တစိတ် တပိုင်းအားဖြင့် သဘာဝဖြစ်ပြီး အခြားတစိတ်တပိုင်းမှာ သဘာဝနှင့်သူ့ ကိုယ်သူ တစုံတရာ သိနိုင်စွမ်းရှိပါသည်။ သဘာဝနှင့် သူ့ ကိုယ်သူ သိနိုင်ခြင်းသည် သဘာဝထံမှ အများဆုံးယူ၍ သဘာဝထံ အနည်းဆုံးပြန်ပေးရန် မဟုတ် ပါ ။ လူ့ အဖွဲ့ အစည်းထံမှ အများဆုံးယူ၍ လူ့ အဖွဲ့ အစည်းထံ အနည်းဆုံးပြန်ပေးရန် မဟုတ်ပါ။ လူသားခြင်းအကြား လူသားနှင့်သဘာဝကြီးအကြား ပေးခြင်းနှင့်ယူခြင်းကို အချိုးညီအောင်ဆောင်ရွက်ရန်သာဖြစ် ပါသည်။ အသံသာသော ကဗျာ ကာရန်ဖြင့် ဆင်ယင်ထုံးဖွဲ့ ရန်ဖြစ်ပါသည်။ သဘာဝ တရားကို အိမ်ပေါ်မှ မောင်းချ ဖို့ ကြိုးစားလျှင် ကိုယ်ကိုယ်တိုင် အိမ်နောက်ဖေး ပေါက်က ဆင်းပြေးမည့်အဖြစ်ကို မေ့လျော့နေတတ်ကြပါသည်။
ဤကမ္ဘာမြေပြင်၌ ပေးခြ င်းနှင့်ယူခြင်း အချိုးညီမှု ကို ကျနော်တို့ လူသားလောက် မည်သည့်အရာကမှ ဖျက်ဆီးပစ် ခြင်းမရှိဟု ကျနော်ထင်ပါသည်။
(အများဆုံးယူ အနည်းဆုံးပေး)၀ါဒအရ ကျနော်တို့ သည် ကမ္ဘာစစ်ကြီး နှစ်ပွဲကို ခင်းကျင်းခဲ့ကြပါသည်။ အနုမြူ လူ သတ်ဗုံးများကို ဖောက်ခွဲခဲ့ကြပါသည်။ ဒေသစစ် ပွဲ မျိုးစေ့များကို ကမ္ဘာမြေအနှံ ပက်ကြဲခဲ့ကြပါသည်။ ရေမြေအနှံ စစ်ကစားရန် နေရာယူထားကြပါသည်။ အာကာသ စိုးမိုရေး စစ်ဗျူဟာကို ခင်းကျင်းလျှက် ရှိပါသည်။ လူမျိုးရေး အသားအရောင် ခွဲခြားမှုများ အစုလိုက် အပြုံလိုက် မျိုးတုန်း သတ်ဖြတ်မှုများ ဘာသာရေး နိုင်ငံရေး စစ်ပွဲများဖြင့် သွေးချောင်းစီးစေခဲ့ပါသည်။
(အများဆုံးယူ အနည်းဆုံးပေး) ၀ါဒ အရ ကျနော်တို့ သည် ကမ္ဘာ အနှံ သစ်တောများကို ကျောက်ခမန်းလိလိ ခုတ်လှဲပစ်နေကြပါသည်။ ပင်လယ်ကြမ်းပြင်ကို ပိုက်စိပ်တိုက်ကာ အသေးမွားဆုံး ပင်လယ်ငါးနုပ်မှသည် အကြီးမား ဆုံးဝေလ ငါးကြီးများအထိ မျိုးတုံးလုနီးပါး ဖမ်းဆီးစားသောက်ပစ်ခဲ့ကြပါသည်။ သဘာဝတောရိုင်း တိရစ္ဆာန်များကို အပြင်းပြေ အပျော်တမ်း လက်တည့်စမ်း အမဲလိုက်ခဲကြပါသည်။
မြေမိခင်၏ ရင်ကို သံမဏိတံကျင် လျှို၍ ကိုယ်ငွေ့ နှင့်သွေးဖြစ်သော ရေနံ ဓါတ်ငွေ့ များကို စုပ်ထုတ် သုံးဖြုံန်းပစ်ကြ ပါသည်။ မြေ၀မ်းဗိုက် ယမ်းဘီလူးဖြင့် အသားအနီလှန်အောင် ဖောက်ခွဲ ကာ ၀မ်းတွင်းသား သယံဇာတ မှန်သမျှကို ထုတ်ယူခဲ့ကြပါသည်။ သားသတ် သမားက သားကောင်ကို တစစီ အမဲဖျက်သလို ကမ္ဘာကြီးကို အမဲဖျက်နေကြပါ သည်။ မိခင်ကိုသတ်၍ပြာချကာ မသေဆေးဖော်လိုသော မှော်ဆရာရှုးတသိုက်နှင့် တူလှပါသည်။
(အများဆုံး ယူ အနည်းဆုံးပေး)၀ါဒ အရ စာသင်ခန်းများတွင် ရုပ်ပိုင်းနည်းပညာ များကိုသာ ဦးစားပေးသင်ကြားပြီး တွေးခေါ်မှု ဆိုင်ရာဝိဇ္ဖာပညာကို အိပ်မွေ့ ချထားကြပါသည်။ (အများဆုံးယူ အနည်းဆုံးပေး) အတွေးအခေါ်ကိုသာ လောကတန်ဖိုးအဖြစ် ရိုက်သွင်းပေးကြပါသည်။
(အများဆုံးယူ အနည်းဆုံးပေး) ၀ါဒ အရ စားသုံးသူ လူ့ အဖွဲ့ အစည်းဟူ၍လည်းကောင်း ဈေးကွက် ဒီမိုကရေစီကို ဆောင်ကြဉ်းပေးသည် ဟူ၍လည်းကောင်း ၀ါဒဖြန့် ကြော်ညာနေကြပါသည်။ ဈေးကွက်သည် ငွေကြေးကြွယ်ဝသူ ဇောတိက များကိုသာ ကောဇောနီခင်းပြီး ယဉ်ကျေးပျူငှာ ကြိုဆိုပါသည်။ငွေကြေး ချို့ တဲ့သူများကိုမူ ခွေးလေ ခွေးလွင့်လို မောင်းထုတ်တတ်ပါသည်။ ဈေးကွက်ကပေးသော ဒီမိုကရေစီဆိုသည်မှာ ဆင်းရဲသားများအတွက် အော်တို ကရေစီ(AUTOCRACY)သာဖြစ်ပါသည်။
(အများဆုံးယူ အနည်းဆုံးပေး) ၀ါဒအရ ထုတ်လုပ်ရေ နောက်ခံနှင့် ငွေဈေးခင်းကြီးများကို ကမ္ဘာအနှံ ခင်းကျင်းထား ကြပါသည်။ ငွေကို ငွေနှင့် ၀ယ်၍ငွေကို ငွေနှင့် ရောင်းချနေကြပါသည်။ ငွေသည် ဖလှယ်ရေးကရိ ယာသာ မကတော့ဘဲ ဈေးကွက်ဝင် ရောင်းကုန်ပစ္စည်းဖြစ်လာသောအခါ လူ့ အဖွဲ့ အစည်းသည် အသပြာဘီလူး ကြီးများ၏ လက်တွင်းမှ သားကောင်သဖွယ် ဖြစ်လာပါတော့သည်။
(အများဆုံးယူ အနည်းဆုံးပေး)၀ါဒသည် လူသားချင်းအကြား လူသားနှင့် သဘာဝမိခင် အကြား ပေးခြင်းနှင့်ယူခြင်း အချိုးညီမျှ မှုကို ဖျက်ဆီးပစ်သော ရာဇ၀တ်ကောင် တရားခံဟု ကျနော်ထင်ပါသည်။ ထိုသို့ အချိုးညီမျှိမှုကို ဖျက်ဆီး ခံရခြင်းကြောင့် ကမ္ဘာ့ အိုဇုံးလွှာပေါက်ပြဲခြင်း ကမ္ဘာကြီးပိုမို ပူနွေးလာခြင်း ပင်လယ်ရေမျက်နှာပြင် တစတစ် မြင့်တက် လာခြင်း မိုးခေါင် ရေကြီးခြင်း မြေပြိုခြင်း အပူလှိုင်း အအေးလှိုင်းကျခြင်း သဘာဝပတ်ဝန်းကျင် ညစ်ညမ်း အဆိပ်သင့်ခြင်း ဆင်းရဲချမ်းသာ ကွာဟမှု ကြီးမားလာခြင်း အလုပ်လက်မဲ လူဦးရေးတိုးလာခြင်း လူ့ အဖွဲ့ အစည်း၏ ဥစ္စာ ဓနများ လက်တဆုပ်စာ လူစုလက်တွင်းသို့ စုပုံသွားခြင်း နိုင်ငံမဲ့လူသား (ကမ္ဘာမဲ့လူသား)ဟုလည်းခေါ်နိုင်ပါ သည် များတိုးများလာခြင်း အစာရေစာ ငတ်မွတ်ခေါင်းပါးခြင်း အကြမ်းဖက်ဝါဒ ထွန်းကားလာခြင်း အေအိုင်ဒီအက် ကဲ့သို့ သော ကုထုံးမဲ့ ရောဂါဆန်းများ ကမ္ဘာ အနှံဖြစ်ပွားလာခြင်း စသည့် သဘာဝကပ်ဘေး လူ မှုဘ၀ကပ်ဘေးများ ဖြစ်ပေါ်လာပါသည်။
ဤလို ခေတ်ကြီးကို နည်ပညာများ အံ့မခန်း ပေါက်ကွဲတိုးတက်နေသော ခေတ်ကြီးဟု ၀ိဂြိုဟ်ပြုနေကြပါသည်။ မှန် ပါသည် ကျနော် မငြင်းပါ သို့ သော် တွေးခေါ်မှု ၀ိဇ္ဖာ အသိပညာ အံ့မခန်း ဆုတ်ယုတ် ကျဆင်းနေသော ခေတ်ကြီး ဟု ကင်ပွန်းတပ်လျှင်လည်း မှားသည်ဟု မပြောနိုင်ပါ။
ယခု ကျနော်စွဲချက်တင်နေသည်မှာ မြေကို အမေလိုချစ်သော လယ်ကွင်းထဲမှ လယ်သမားကို မဟုတ်ပါ။ စက်ရုံ အ လုပ်ရုံများအတွင်း ပျားများလို မနေမနား အလုပ်လုပ်နေကြသော အလုပ်သမားကို အဟုတ်ပါ။ လိပ်ပြာများ ၀တ်မှုံ ကူးသလို အသိပညာ ပန်းဝတ်မှုံကို ကူးလူးဖြန့် ဝေနေကြသော အသိပညာရှင် အတတ်ပညာရှင်များကို မဟုတ်ပါ။ ထိုလူများသည်( အနည်းဆုံး ယူ၍ အများဆုံးပေး )နေကြရှာသူများသာဖြစ်ပါသည်။
ကျနော်စွဲချက်တင်နေသည်မှာ မိခင်မြေ၏ သဘာဝ သယံဇာတများနှင့် လူ့ အဖွဲ့ အစည်း၏ အထွက်ပစ္စည်းများကို အများဆုံးရယူပြီး လူ့ အဖွဲ့ အစည်းနှင့်သဘာဝလောကကြီးသို့ အနည်းဆုံးပြန်ပေးနေသော လူနည်းစုကိုသာ ဖြစ်ပါ သည်။
ထိုလူနည်းစုကြောင့် ကျနော်တို့ လူသားများအားလုံး ဘာတစ်ခုမှ မရဘဲ အကုန်လုံးပေးဆပ်လိုက်ရမည့် အဖြစ်ကို ကာ ကျနော် ဘယ်နည်းနှင့်မျှ မလိုလားနိုင်ပါ။ စာအုပ်ကောင်းတစ်အုပ် လက်လွှတ်ဆုံးရှုံးခြင်းသည် ပျားရည်တစက် ဖိတ်စင်ခြင်းဖြစ်ပါသည်။
လူ့ အဖွဲ့ အစည်းကြီး တခုလုံး ဆုံးရှုံးခြင်းကာမူ ပျားရည်ပင်လယ်ကြီးမှောက်ကျသွားခြင်း ဖြစ်ပါသည်။
မြတ်နိုး