နွေတစ်ညတွင် ယမမင်းနဲ့  ရင်ဆိုင်ရခြင်း

လူ့ ဘဝမှာ အသက်(၁၀၀)မနေရပေမဲ့  အမှု(၁၀၀)နဲ့  တွေ့  ကြုံ နိုင်တယ်လို့  မြန်မာလူမျိုးတွေ
ကပြောဆိုလေ့ရှိတတ်ကြတယ်။ကျွန်တော့အသက်(၇၀)ကျော်ခဲ့ပြီ။လွန်ခဲ့တဲ့နှစ်ပေါင်း(၄၀)ကာလ
ဆီက နွေတစ်ညမှာ ယမမင်းနဲ့ ရင်ဆိုင်တွေ့ ကြုံရပုံတွေကို ဒီကနေ့ ထိ မမေ့နိုင်သေး။
အဲဒီတုံးက ကျွန်တော်ဟာ နာမည်ကျော် "အင်းစိန် နရသိမ်" စခမ်းမှာ နေထိုင်ခဲ့ရပါတယ်။အ
ဆောင်(၃)အခန်း(၆)မှာ ပုဒ်မ(၅)ညနဲ့ ထိမ်းသိမ်းခံစဉ်က အဖြစ်အပျက်ပါ။
(၁၉၆ဂ)ခုနှစ် ဧပြီလရဲ့  ညတစ်ည အဆောင်တစ်ခုလုံး ငြိမ်သက်နေပါတယ်။ ညဥ့် နက်ပေမယ့် တိုးတိုးတိတ် တိတ် ဖဲကစားနေသူများရှိနေကြသလို အိပ်ယာကိုယ်စီမှာ မဂ္ဂဇင်းဖတ်နေသူတွေလည်းရှိကြပါတယ်။
ဧပြီလ (၉) ရက်နေ့ ညကိုတော့ ဘ၀ မှာ ဘယ်တော့မှ မမေ့ ၊မေ့နိုင်စရာလည်း အကြောင်းမရှိ ၊ ည(၁၁)နာရီခန့် ရှိုသည် ဖဲကစားနေကြတုန်း (ခိုးခွက် ခိုးခွက်)ဆိုတဲ့ ဖိနပ်သံတွေ ဆက်တိုက်ကြားနေရပါတယ်။ ကျနော်က အိပ်မ ပျော်သေး အတွေးပေါင်းစုံတို့ က ဦးနှောက်ကို အလုပ်ပေးနေကြဆဲဖြစ်တယ်။ ဖိနပ်သံတွေက ဆက်တိုက်ကြားနေရ တော့ အခြေအနေ တခုခု ထူးပြီဆိုတာ ဖဲကစားနေသူများ သိလိုက်ကြတယ်။ သလာစီတာလား ဘာအကြောင်းလဲ ဘယ်သူမျှ တိတိကျကျ မသိ ဖဲဝိုင်းသိမ်းလိုက်ကြပြီး ကိုယ့်အိပ်ယာစင်ပေါ် ကိုယ်တက်ထိုင်လိုက်ကြပါတယ်။ ခြေသံတွေက အခန်းဝရောက်လာခဲ့ပြီး ထောင်မှူးနဲ့ ဝန်ထမ်းများက သော့ဖွင့်လိုက်ကြပြီး အခန်းထဲဝင်လာကြပါ တယ်။
(အကျဉ်သား အားလုံးနားထောင် ဘယ်သူမှ မလှုပ်နဲ့  နာမည်ခေါ်ခံရသူများ အခန်းဝ ထွက်လာကြ ဘာတစ်ခုမျှ ယူ လာစရာမလို ၊ ကျန်သူတွေ အားလုံး ငြိမ်ငြိမ်နေကြ မလှုပ်ကြနဲ့ ) ထောင်မှူးကျောင်မင်းရဲ့ အောင်မြင်တဲ့ အမိန့် ပေးသံ ပြီတော့ နာမည်တွေ ဆက်တိုက်ခေါ်လိုက်တယ်။
(မြမောင်၊ ဟန်သိန်း၊ သန်းရှိန်၊မြင့်သောင်း၊ သန်းထွန်း ဆိုပြီး ဆက်တိုက်ခေါ်ထုတ်ပါတော့တယ်၊ ကျနော် အပါအ၀င် ခြောက်ယောက် အခန်းအပြင် ခေါ်ထုတ်ခံရတယ်။ စင်္ကြလမ်းအတိုင်းလျှောက်ခိုင်းတယ် အဆောင်ထိပ် ရောက်တာနဲ့ အပြိုင်နက် ခေါင်းကို စောင်နဲ့ အုပ်လိုက်ပြီး ရစ်ပတ်လိုက်ပါတယ်။ အတွေ အာရုံတွေ ရှုတ်ထွေးသွား ပါတယ်။ တိုက်ပိတ်တာလား၊ နယ်ထောင်ပြောင်းတာလား ဆိုတဲ့အတွေး မျိုးစုံတို့  ဦးနှောက်တွင်း ၀င်ရောက်လာ ပါတယ်။ ဖိနှိပ်မှု ဆိုတာကတော့ အခိုင်အမာ တွက်ဆမိသည် ဒီလိုနဲ့ ဖိုကြီးကိုပတ် မိန်းဂျေးမှ တဆင့် ထောင်ဗူးဝ ဆီ ခေါ်ထုတ်တာ ခံရပါတယ်။ ဗူးဝရှေ့ ကွက်လပ် မြေပြင်မှာ ၀မ်းလျှားမှောက်ခိုင်းထားပါတယ်။ကြိမ်းမောင်းသံတွေ ကလည်း အဆက်မပြတ် ကြားရပါတယ်။ ခြေသံတွေက ဆက်တိုက် ကြားနေရတာမို့ နောက်ဆက်တွဲ အကျဉ်းသားတွေ ထပ်မံရောက်လာနေတယ်။ (မလှုပ်ကြနဲ့ ငြိမ်ငြိမ်နေ လှုပ်ရင်တော့ မြုပ်သွားမယ်)ဆိုတဲ့ ခြိမ်း ခြောက်တာကို ကြားနေရပါတယ်။ ကားမောင်းဝင်လာသံ ကြားနေရတယ် မြေပြင်မှာ ၀မ်းလျှားမှောက်နေသူတွေ အနားရောက်တော့ ကားရပ်သွားပါတယ်။
(ထ- လျှောက်- လှမ်း တက်)ဆိုတဲ့ အမိန့် ပေးသံတွေလည်း ဆက်တိုက်ကြားနေရပါတယ်။ (ခိုးခိုး ခွက်ခွက် ထိုး ကြိတ်သံ ရိုက်နှက်သံတွေလည်း ကြားနေရတယ်။ မြေပြင်မှ ထခိုင်းပြီး ငပိသိပ် ငါးချဉ်သိပ် ကားပေါ်ထိုးတင်ကြ တယ် ၊တယောက်အပေါ် တယောက်ထပ်လျှက် ကားပေါ်ပါသွားကြတယ်။ဘယ်သူတွေပါဝင်ပြီး ဘယ်လောက်များ တယ်ဆိုတာလည်း မသိကြပါ။ တသုတ်ပြီး တသုတ် ရွေ့ ပြောင်းနေတာဖြစ်တယ် ဒီ့နောက်တော့ထောင်ဗူးဝမှ မောင်းထွက်လိုက်ပြီး ဘယ်ဘက်ကိုချိုးကွေ့ လိုက်တယ် ။ဒီတော့မှ တွဲဖက်ထောင်ကို ပြောင်းရွေ့ နေတာ သတိပြု လိုက်မိတယ်။ ဘယ်လိုအန္တရာယ် မျိုးတွေနဲ့  ရင်ဆိုင်ရမလဲဆိုတာ ရင်ထဲအသိထဲမှာ တထိပ်ထိပ် ခံစားနေမိတယ်။
ထောင်းဗူးထဲဝင်လိုက်ပြီး ကားရပ်လိုက်ပါတယ်။ ဒလကြမ်း ကားပေါ်မှ ဆွဲချလိုက်ကြတယ်။ ဦးခေါင်းကို စောင်နဲ့ လွှမ်းခြုံ ပတ်ထားတာမို့ ပတ်ဝန်းကျင်းကို ဘာမျှ မမြင်ရပါ။ မိမိဘေးမှာတော့ ၀န်ထမ်းနှစ်ယောက် ညှပ် ထားပြီး လမ်းဆက်လျှောက်ခိုင်းပါတယ်။ ရိုက်နှက်သံတွေ အောင်ဟစ်သံတွေ ကြားနေရတယ်။ရပ်ဆိုတော့ ရပ်ပေး လိုက်မိတယ်။ လက်နှစ်ဖက်ကို ၀န်ထမ်းနှစ်ယောက် ခြေထောက်နှစ်ချောင်းကို ၀န်ထမ်းတယောက်တို့ က ချူပ် ကိုင်လိုက်ပြီး မြေပြင်မှာ မှောက်ချ လိုက်ပါတယ်။ ပုဆိုးကို ဆွဲချွတ်လိုက်ပြီး ခြေနှစ်ချောင်းကို တုပ်ချည်ပြန်တယ်။ (ရိုက်) ဆိုတဲ့အသံနဲ့ အတူ ဘယ်ညာ ဖက်ဆီမှ ပလပ်စတိတ် ကြိမ် ရိုက်ချက်တွေ တင်ပါးနဲ့ ပေါင်ပေါ်ဆက်တိုက် ကျရောက်လာပါတော့တယ်။ အောင်ဟစ် ရုန်းကန်ရင်း တကိုယ်လုံး ချွေးတွေ ရွဲစိုလာပါတယ်။ ဆဲဆိုလိုက်- ရိုက် နှက်လိုက် လေးကြိမ်ခန့် ပြုလုပ်ပြီး ရပ်လိုက်ပါတယ် ။ နာကြင်လွန်းတဲ့ ဝေဒနာတွေကြောင့် အသားတွေ တဆတ် ဆတ်တုန်နေတယ် ။ ပင်ပန်း နွမ်းနယ် မောဟိုက်နေပါတယ်။ လက်နှစ်ဖက် ကို ၀န်ထမ်းများက ကိုင်ထားပြီး ထောင်မှူး ကျော်မင်း နဲ့  တပ်ကြပ် ကြီးလှရွှေတို့ ရဲ့ ဆဲဆိုသံတွေကိုလည်း ကြားနေရဆဲပါ။ ဒီ့ နောက်တော့ ပုဆိုး ပြန်ဝတ်ခိုင်းပြီး လမ်းလျှောက်ခိုင်းပါတယ်။ ပေ နှစ်ဆယ် အစိပ် လမ်လျှောက်လိုက်တော့ (ရပ်- ရပ်) ဆိုတဲ့အသံ ထပ်မံကြားရတယ်။ လေသံတိုးတိုးနဲ့ ( ညောင်းလာတယ်- ညောင်းလာတယ်- ထိုင်လိုက်)ဆိုတဲ့အသံကြားတော့ မြေပြင်မှာ ထိုင်ချလိုက်မိတယ်။ လက်နှစ်ဖက်ကို ချူပ်ကိုင်ထားပြီး ခြေဆင်းခိုင်ပြန်တယ်။ ပုဆိုးကို ဒူးဆစ်အထိ လှန်လိုက်ကြတယ်။ လက်နှစ်ချောင်းကို ထိုင်လျှက် နောက်ကြောမှ ချူပ်ထားလိုက်ပြီး ခြေနှစ်ချောင်းကို ပူးလိုက် ပြန်တယ်။ ပုဆိုးကွင်းနဲ့ တုပ်နှောင်လိုက်တယ်။ ခြေသလုံး ရိုးပေါ် မျဉ်းလုံးနဲ့  ဖိလှိမ့်ပြန်တယ်။ အရိုးကျိူးတဲ့ အသဲ ကြွေတဲ့ ဝေဒနာ မျိုးတွေ တပြိုင်နက် ခံစားမိတယ်။ ရုန်းကန် လှုပ်ရှားရင်း အော်ဟစ်မိပြန်တယ်။ ဘယ်နှစ်ကြိမ် လှိမ့်မှန်းတော့ မသိတော့ နာကြင်တဲ့ ဝေဒနာ ပင်ပန်းနွမ်းနယ်တဲ့ အားအင်းကုန်ခန်းတဲ့ဝေဒနာ တွေကိုထပ်မံခံစား ရပြန်တယ်။မအောင်နိုင်တော့ (ထ)ဆိုတဲ့အသံကြားတော့မှ မတ်တပ်ရပ်မိတယ်။ ခန္ဓာကိုယ်ကို မထိမ်းနိုင်တော့ ၀န်ထမ်းတွေက လက်မောင်းကို ချူပ်ကိုင်ပြီး လမ်းလျှောက်ခိုင်းပြန်တယ်။ ခဏကြာတော့ (လှမ်းတက်)ဆိုတဲ့ အသံ ကြားမှ လှမ်းတက်မိတယ်။ ခြေသုံးလှမ်း တက်လိုက်မိတော့ မိမိ နောက်ကြောကို လက်နဲ့ တွန်းလိုက်တာမို့  ၀မ်း လျှားမှောက် လဲကျသွားတယ်။ လူဘုံပေါ် လဲကျသွားတာ သိလိုက်တယ်။ နောက်ထပ် နှစ်ယောက် ရောက်လာပြီး တွန်းလှဲ လိုက်ပြန်တယ်။ နောက်(မလှုပ်ကြနဲ့ ) လို့ အမိန့် ပေးသံကြောင့် ဘယ်သူမှ မလှုပ်ရဲ ကြပါ။
လူသံတွေ ခဏပျောက်သွားတယ် တယောက်အပေါ် တယောက် မှောက်လျှက်သား ရှိနေကြတယ်။ခဏကြာ တော့မှ ခြေသံတွေ ထပ်ကြားရတယ်။ အခန်း အပေါ်ဖက်က မီးသီးလင်းနေမှန်းတော့ သိကြတယ်။ (ဖွင့် ကြည့်)ဆို တဲ့အသံ ကြားရတော့မှ ခေါင်းကစောင်တွေကို ခွာချလိုက်တယ်။ အကျဉ်းသား အားလုံး မျက်နှာမကောင်းကြ နာကြင်မှုတွေက ခံစားနေရဆဲ လူရေတွက်ကြည့်တော့ (၁၃)ယောက် ရှိတယ်။ အခန်းက (၈)ပေ(၁၀)ပေ အခန်း သုံးဆောင်က ရဲဘော်အားလုံး ဖြစ်တယ်။ ကွန်မြူနစ်တွေ အလံနီတွေ အလုပ်သမားပါတီမှ ရဲဘော်တွေ ဖြစ်ကြ တယ်။ အခန်းထဲမှာ ဆီးသွားဖို့ က ဂန် ဖလားသုံးလုံး သွပ်နဲ့ လုပ်ထားတယ်။ မစင်စွန့် ဖို့ ကနှစ်လုံး စဉ့် အင်တုံတွေ ဖြစ်တယ်။ အခန်းဝမှာတော့ သောက်ရေအိုး တစ်လုံးရှိတယ်။ တမန် သလင်းခင်း ကြမ်းပြင်ပေါ်မှ နှီးကြောဖျာ အစုပ်တွေ ခင်းထားတယ်။ နေ့ - နေ့ ၊ ည-ည အိပ်ကြပြီ ဆိုရင် (၆)ယောက်တလှည့် (၇)ယောက်တလှည့် အိပ်ကြ ရတယ်။ အခန်းဝမှာ သံတိုင် တံခါး တထပ် သစ်သားတံခါး တထပ်ရှိတယ်။ နံနက် (၆)နာရီမှ ညနေ(၆)နာရီထိ တံခါးတွေကို ပိတ်ထားတယ်။ ည(၆)နာရီကျော်မှ သစ်သား တံခါးကို တစ်ဒေါင်ခန့် ဖွင့်ပေးထားတယ်။ တယောက် တလှည့် အခန်းဝမှာ ထိုင်ပြီး လေ အ၀ ရှူ ကြရတယ်။ တင်ပါးနဲ့  ပေါင် အနာတွေက နံနက် အိပ်ယာထရင် ပုဆိုး အင်္ကျီတွေနဲ့ ကပ်နေပါတယ်။ ခွာလိုက်ရင်တော့ နာကြင်မှုတွေကြောင့် မျက်နှာတွေက ရှံ့ တွသွားကြတယ်။ နံနက် ပိုင်းမှာ ၀ါတာ ရောက်လာပြီး သံတံခါး အ၀မှာ ပုဆိုးလှန်ပေးရတယ်။ တင်ပါးနဲ့ ပေါင်ကို ဆေးဝါရည် သုပ်လိမ်းပေး တယ် (၁၀)ရက်ခန့် ကြာတော့မှ အနာတွေ ကျက်ကုန်တယ်။
တွဲဖက်ထောင် (သီးသန့် ထောင်)ကျွန်းတိုက်ထဲ ရောက်နေမှန်းသိကြရတယ်။ အနေကြာတော့ အသားဝါ ရောဂါနဲ့  ၀ဲရောဂါတွေ ဖြစ်လာတယ်။ ရက်ပေါင်း(၅၀) နေခဲ့ရပြီးမှ တွဲဖက်အဆောင်(၁)ကို ရွေ့ ပြောင်းခံလိုက်ရတယ်။ အဲဒီ အဆောင်မှာ လူပေါင်း (၅၀)ကျော်ရှိတယ်။ သူတို့ အားလုံး လက်ဝဲနိုင်ငံရေးသမားတွေဖြစ်ကြတယ်။ ထောင်မကြီး (၃)ဆောင်နဲ့ (၄)ဆောင်မှ ရိုက်နှက်ခံရပြီး တွဲဖက်ထောင်ကို ရောက်လာကြတာဖြစ်တယ်။ ထောင်တွင်းမှာ အရေး ဆိုတာ အစာငတ်ခံ တိုက်ပွဲဝင်တာ မရှိကြပါ။ တော်လှန်ရေး ကောင်စီ အစိုးရရဲ့ ရက်စက် ကြမ်းကြုပ်မှုကို ဖော်ပြ ခြင်းသာ ဖြစ်တယ်။
၁၉၆၃ နိုဝင်ဘာ ငြိမ်းချမ်းရေးဆွေးနွေး ပွဲတွေ ပျက်စီးသွားပြီးနောက် အဖမ်းခံထားရတဲ့ လက်ဝဲ လက်ယာ နိုင်ငံရေး သမားတွေ ရှိတဲ့အနက် လက်ဝဲ နိုင်ငံရေးသမားများကိုသာ ဖြိုခွဲ နှိပ်စက်ခြင်း ဖြစ်တယ်။
၁၉၆၉ ခုနှစ် ဖေဖော်ဝါ ရီ လလယ်မှာ လက်ဝဲနိုင်ငံရေးသမား (၂၃၃)ယောက်တို့ ကို ကိုးကိုးကျွန်းပို့ လိုက်ပြန်တယ်၊ အင်းစိန် ထောင်တွင်း ရက်စက်ကြမ်းကြုပ်မှုတွေကို အားရ ကြေနပ်ခြင်း မရှိသေးတဲ့ စစ်အစိုးရဟာ နိုင်ငံရေး အကျဉ်းသားတွေကို ကိုကိုးကျွန်းပို့ လိုက်ခြင်းဖြစ်တယ်။
ကိုကိုးကျွန်းမှာ (၂နှစ်၁၀လ) ကြာခဲ့ တယ်။ အစာငတ်ခံ တိုက်ပွဲ (၄)မျုိး ဆင်နွဲခဲ့ကြတယ်။ အလံနီပါတီမှ ရဲနီ(၂) ယောက် သေဆုံးခဲ့ ပြီး ကွန်မြူနစ်ပါတီမှ (၈)ယောက်ကျဆုံးခဲ့တယ်။ ၁၉၇၁ ခုနှစ် နိုဝင်ဘာလမှာ ကျွန်းတိုက်ပွဲ တွေကြောင့် စစ်အစိုးရဟာ မသေဘဲကျန်နေသေးတဲ့ အကျဉ်းသား (၁၁၀) ကျော်ကို ပြည်မ အင်းစိန်ထောင်ဆီ ပြန်ပို့ ပေးတယ်။
အသွားတုန်းက ပြည်တော်ညွန့် ၊ အပြန်တော့လည်း ပြည်တော်ညွန့် သင်္ဘောနဲ့ ကျနော်တို့ လိုက်ပါခဲ့ကြတယ်။
လူလောက မှာ အသက်(၁၀၀)မနေရပေမယ့် အမှု(၁၀၀) တွေကြုံရတတ်တယ်ဆိုတဲ့ ဆိုရိုးစကားအတိုင်း နွေတည မှာ ယမ မင်းနဲ့ ရင်ဆိုင်ခဲ့ရပုံကို မှတ်တမ်း တင်လိုက်ခြင်း ဖြစ်ပါတယ်။



စန်ကျော်ဝင်း
၁၅.၁၀.၂၀၀၈